Camel Essay In Urdu Camel In Islam Paragraph On Camel
Bachon Ke Liye Camel Par Mazmoon For Kids
Allah Ta'ala ne oont ko aisa hairat angez aur itna farma bardar banaya hai keh aik chota sa bacha bhi is ki rasi pakray tou ye chal paray. Oont aik aisa sehrai janwar hai jo aik maheenay se zayada baghair pani peeyay sehra mein chal sakta hai. Is ki pusht par itni gunjaesh hoti hai keh insan apne khanay peenay aur bistar waghera ke sath yun safar ka lutf uthata hai jese woh apne ghar mein baitha ho.
Kohaan
Oont ka kohaan charbi se banta hai jo is ko khorak na milnay ki surat mein ghaza faraham karta hai. Is qudrati nazam ke sath ye teen hafton tak pani ke baghair zinda reh sakta hai. Magar itnay arsay mein us ka wazan 33% kam ho jata hai. Is ke bar aks insan ko agar ghaza aur pani na milay tou woh apna 8% wazan khonay ke sath 36 ghanton mein maut ke munh mein pohanch jata hai kyun keh us arsay mein us ke jism ka sara pani khatam ho jata hai.
Quran Pak Mein Oont Ka Zikar
Surah Yusuf mein baghair kisi anwan se bhi oont ka tazkara mojood hai jo Hazrat Yusuf A.S ke qisay aur baar bardari ke taluq se hai.
Hazrat Saleh A.S Ki Dua
Aik din samood nami qaum ke logon ne Hazrat Saleh A.S se bari ajeeb o ghareeb farmaesh ki keh hamain aik mojza aisa dikhayain keh un ke samne wali chitanon se aik oontni namoodar ho aur us waqt aik bache ko bhi janam de de. Lihaza Hazrat Saleh A.S ne Allah se dua mangi. Allah ne khubsurat jism wali oontni ko bheeja jis ne sub ke samne aa kar aik khubsurat sa bacha bhi de diya. Allah ne Hazrat Saleh A.S ki dua rad nahin ki.
Hadees Mein Oont Aur Oontni Ka Zikar - Hadees About Camel In Urdu
Aik martaba Nabi SAW aik ansari ke bagh mein dakhil hue tou wahan aik oont nazar aya. Nabi SAW ne us ki taraf dekha tou oont ki ankhon mein aansoo aa gaye. Aap SAW ne us ke malik se farmaya: Tou Khuda se nahin darta is oont ne mujh se shikayat ki hai keh tou isay bhooka rakhta hai.
Tapish Se Mehfooz Rakhne Wali Jild
Oont ki jild oon jese ghanay aur guchay dar balon se banti hai jo is janwar ko sakht sardi aur jala dene wali garmi se mehfooz rakhti hai aur isay pani ki kami se bachati hai. Saudi Arab aur Shumali Africa ka oont apne jism ke darja hararat ko 41 c tak barha laita hai. Apni is khasoosiyat ki bina par oont asia mein mausam e garma mein zayada se zayada garmi bardasht karne ki salahiyat rakhta hai aur sardi ke mausam mein bhi oont apne aap ko kafi had tak mehfooz kar laita hai.
Rait Se Mehfooz Sar
Qudrat ne oont ki palkon mein aisa nazaam rakha hai keh jese hi khatray ka pata chalta hai tou khud ba khud us ki ankhain band ho jati hain takeh mitti ke zarat us ki ankhon ko nuqsan na pohancha sakain. Hairat angez baat ye hai keh oont kantay dar ppodon ko bhi baray mazay se khata hai aur isay hazam karne mein koi takleef nahin hoti kyun keh is ki zuban ki mazboti khardar cheezon ko chabanay aur hazam karne mein madad deti hai.
0 Comment