Communication Essay In Urdu Importance Of Communication Hindi Essay Paragraph Quotes

Communication Essay In Urdu Ablagh Aama / Zuban Ki Ahmiyat: Jahan kamyabi ke liye degar hunar aur maharatain kargar sabat hoti hai wahan communication (ablaghiyat) ki maharat bhi aham kardar ada karti hai yani rozmara ki bol chal aur muashre mein dusron se hum kalam hone ki aisi salahiyat ho keh log andaz kalam aur zuban se ghair mamooli tor par mutasir hon aur yehi bol chal aur zuban aap ko mustaqbil mein kamyab career tak rasai dila sakti hai agar aap mein communication ki salahiyat mosar nahin hai tou aap behtar mustaqbil hasil nahin kar sakte aur na hi kisi ache adare ko join kar sakte hain. Zuban ki is khoobi ki wajah se aap har maidan mein khud aitmadi se kamyab ho sakte hain aur apna khayal aur nazria paish kar sakte hain, agar  koi shakhs achi tarah apna muda hi bayan nahin kar sakta tou woh muashre mein khak taraqi kare ga is liye communication ko zindagi ke har shobe mein bohat zayada ahmiyat hasil hai. Kyoun keh kisi bhi field mein har tarah ke kaam mein iblagh ama ko markazi ahmiyat hasil hoti hai is ke baghair koi bhi tanzeem, idara hata keh muashra qaim nahin reh sakta. Zuban har chez ka dil hai aur muashre mein khayalat aur maloomat ka tabadla isi ke zariye hota hai aur is mein mukamal aboor hi aap ko kamyab bana sakta hai aap ki zindagi mein aik roshan mustaqbil (future) mein communication ke hazaron fawaid hain.

Agar aap mein bolne aur samajhne ki behtareen salahiyat ho tou aap aik kamyab talib ilm ban sakte hain is ke baad aap isi hunar ki badolat kisi bhi adaray mein apna muqam paida kar sakte hain is ke liye sub se pehle har idara interview se is maharat ko aur rawaiya ko janchta hai agar umeedwar ki zuban (communication) achi hoti hain tou us ko adaray mein khidmat sar anjam dene ka moqa faraham kiya jata hai.

Is ke baad zindagi ke har shobay mein communication ki maharat rerh ki hadi ka kaam karti hai is ke zariye kisi bhi muashray ya infaradi tor par kisi fard ke masail sunay jate hain aur us ko hidayat ya maloomat bhi di jati hain, aik muashra dusre muashre se ham ahang sirf aur sirf zuban ki bunyad par hota hai. Dusre mulkon se taluqat barhte hain jis mein ala communities aur safeer muntakhib kiye jate hain. Jo aik dusre ke masail par sair hasil behas karte hain aur mumkina hal ke liye mukhtalif tajaweez paish karte hain.

Badshahi Mosque Essay Urdu Badshahi Masjid Mazmoon A Visit To

Badshahi Mosque Essay In Urdu

Badshahi masjid ki tameer 1671 mein shuru hoi aur 1673 mein isay mukamal kar liya gaya tha is intihai khubsurat masjid ko mughlon ke dor mein tameer karwaya gaya jo aaj puri dunya mein mashoor hai. Masjid Pakistan aur janoobi asia ki dusri bari masjid hai jabkeh isay dunya ki panchwien bari Masjid hone ka azaz hasil hai ye iqbal park mein waqia hai. Khubsurati aur azmat se mazeen ye masjid lakhon dilon mein basti hai 1993 mein Pakistani government ne UNESCO ko isay almi saqafti wirsa ki list mein shamil karne ki tajweez di.

 

7 july 1799 mein is par sikhon ne qabza kar liya tha 1841 mein jang ke doran sikhon ne masjid ke bare minar ko sikh mehrani chand ke sapahiyon par bandukon se hamla ke liye istemal kiya.

Hamlay se imarat ko bhi nuqsan hua. Angreezon ne isay dobara tameer kiya magar is ke asal fan-e-tameer ke muqabil tameer na thi. 1849 mein jub east india company ne Lahore par fatah hasil ki tou jis tarah sikh is masjid ko istemal kar rahe thay bilkul isi tarah istemal kiya magar sikhon ki hukumat se bartanwi hukumat tak masjid ko fauji jagah ke tor par istemal karne par Musalmanon ne bohat muzamat ki. Musalmanon ki barhti hoi muzamat dekh kar 1852 mein angreezon ne isay dobara Musalmanon ki ibadat ki jagah mein tabdeel kar diya. 1939 mein mein Sir Sikandar Hayat Khan ki sarbarahi mein is aali shan masjid ki muramat ka kaam shuru hua.

2000 mein masjid ke main hall ke farsh ki tabdeeli ki gayi jabkeh 2008 mein jaipur india se khasoosan mangwaye hue surkh pathar se muramat ki gayi. Ab ye khubsurat masjid apni 17 sadi ki halat mein wapas aa gayi hai. Aaj bhi bohat se Musalman har roz yahan kar apne Khuda ke samne sar basajood hote hain.

Sahil Samandar Ki Sair Urdu Essay Samandar Seaside Hindi Essay Samundar Ke Kinare

Sahil Samandar Ki Sair Urdu Essay Samandar (Sea) Seaside

Youn tou karachi mein chidiya ghar hai, safari park hai, aziz bhatti park aur hill park hain mazar-e-quaid bhi achi tafreh ki jagah hai. Lekin karachi ki kaseer abadi garmi ke zamane mein samandar ka rukh karti hai aur samandar ke sahil par chalne wali thandi hawaon se lutf andoz hone ki khawahish mand hoti hai. Imtihanat sar par achukay thay April ka maheena chal raha tha sakht garmi par rahi thi aur 10 class aur 9 class ke  talba ne head master sahib se darkhawast ki keh unhain class teacher sahiban ki zair-e-nagrani clifton ke sahil ki sair ki ijazat di jaye aur naiz school ki transport bus istemal karne ki ijazat di jaye. Head master bhi khud sath chalne ko tayar ho gaye. Ab nowien aur daswien ke dusre teacher hazrat ne bhala kya qasoor kiya tha sub ne clifton jane ka irada zahir kiya. Sub teachers ne mil kar ittefaq raye se aik tafreehi programme muratab kiya keh har teacher dus dus larkon ko apne sath rakhe ga aur har group apne teacher ke mashwarah se bazar se khud-o-nosh ki cheezain khareeday ga haftay ke din 8 bajay talba ko talab kar liya gaya.

Samandar Hindi Essay

Haftay ka suraj hum sub ke liye khushiyon ka paigham laya hum sub bache waqt se pehle hi school mein jama ho gaye thay talba ke sub groups ke paas khane peenay ka saman carom board aur mauseeqi ke alaat water cooler chai se bhare hue tharmos mojood thay.

Sub bachay tafreehi mod mein thay aur bohat hi zinda dil aur khush nazar arahe thay theek sarhay 8 bajay head master sahib ne baray saleeqay se sare bachon ko apne apne teacher ki nagrani mein bus mein sawar karwaya aur hamara karwan clifton ke liye rawana hua. Talba ko sakhti se hidayat kar di gayi keh woh apne teachers ke ahkamat ki har halat mein pabandi karain aur koi talib ilm samundar mein nahane ya pani mein utarne ki hamaqat na kare.

Rastay bhar sub bachay qehqay lagate rahe khuch larkay saaz bajatay aur mili naghmay gatay rahe theek 9 bajay hum clifton pohanch gaye sahil ke qareeb lekin pani se door aik khas jagah par head master sahib ne sub bachon ko school se laya hua shamyana nisb karne ka hukam diya us mein khane peenay ka saman saleeqay se rakh diya gaya. Phir khuch shor-o-ghul hone laga koi ga raha tha koi baja raha tha koi cheekh raha tha. Head master sahib ne kaha keh is tarah jangli tarz se tafreh nahin ho gi.

Chunachay ye tay paya keh pehle moseeqi ki mehfil sajay gi aur jin bachon ki awazain achi hon woh gana sunayien gey ye programme 11 bajay tak chalta raha phir achanak nazm-o-jabt ke sath talba ne Hazrat Abdullah Shah Ghazi ki dargah par hazri di aur Fatiha parhi dargah ki chaon mein sub saleeqay se baith gaye aur samandar se anay wali thandi hawaon se lutf andooz hote rahe Phir hum play land mein gaye lakdi ke ghoron par sawari ki jhoola jhoolay sahil par baithay bari dair tak kheelte rahe. 1:30 bajay sub us jagah wapas aa gaye jahan hamare khane ka saman rakha tha aur 3 teacher aur chand larkay hamare us saman ki hifazat kar rahe thay dopehar ka khana khane ke baad humain door se samandar ke pani ka nazara karne ke liye bheja gaya. Phir hum aquarium mein gaye aur wahan mojood kayi iqsam ki machliyan dekhein 4 bajay tak hum idhar udhar ghomtay rahe phir aik jagah baith kar hum ne chai pi aur apas mein lateefay aur khubsurat kahaniyon ko sunanay ke baad wapsi ke liye bus mein sawar ho gaye sara saman achi tarah samait kar gari mein rakh liya aur wapas school ki taraf rawana hue ponay 5 baj gaye sub talba khushi khushi apne apne gharon ko wapas aa gaye. Humain samandar ke kinare is tafreehi programme ka bara maza aaya jo humain safari park aur garden waghera mein hargiz nahin aata.